Markvandring småskala frukt-og bær - frå tindved til sidersortar
Markedshager i Vestland
Tenkt på å etablere ein allsidig frukt-og bærproduksjon på eigen gard, men i tvil om kva du skal satse på? Tindved, minikiwi, svarthyll, eit mangfald av plomme, pære og eplesortar - til foredling eller rein nytelse? Du får både smake og lære av omvisarar på Njøs frukt og - bærsenter i Leikanger, med avslutning på ein markvandring med smaksprøver i eplehagane til Ciderhuset i Balestrand.
Du får ein ettermiddag på Njøs i Leikanger, med kunnskap om sortar frå forskarar som driv med sortsutvikling, slik at du kan vurdere kva du skal satse på. Dei har dyrkarrettleiarar for meir sjeldne frukt-og bærkulturar, slik at du kan planlegge dine plantingar for framtida. Me får óg omvising i øko-frukthagen, kor dei har testa ut ulike såblandingar som underkulturar i trerekkene.
Ciderhuset i Balestrand har i ei årrekke testa ut frukt og bærsortar for å utvikle ulike smakar og karakterar på jus-og ciderprodukt. Dei har hausta prisar for produkta sine og er engasjerte og gode formidlarar av smaksopplevingar med drikkevarer frå frukt. Me får smake dei alkoholfrie variantane frå Ciderhuset og Balholm.
Arrangementet er ein del av ØKOveka 2021 og er gratis, men krev påmelding. Fyll ut skjemaet under programmet.
PROGRAM
12:45 - oppmøte på Njøs frukt-og bærsenter. Adresse: Njøsavegen 5.
13:00-15.00 Markvandring på Njøs Næringsutvikling med Dag Røen (nye frukt-og bærkulturar og Liv Hatleli Gilpin (øko-hagen).
15:40/16:10 Ferje Hella - Dragsvik
16:30-18:00 Omvisning med Åge Eitungjerde i eplehagen rundt Ciderhuset Balestrand - Balholm. Adresse: Sjøtunsvegen 32
Med atterhald om endringar som følge av Covid-19 restriksjonar lokalt eller nasjonalt.
PÅMELDING
Påmeldingsfrist er 24. september kl 12.